Greqia ndodhet në një situatë mjaft të vështirë si pasojë e përhapjes së koronavirusit me numrat që janë rritur në shifra rekord në ditët e fundit, por edhe kapacitetet e spitaleve plot me të shtruar, një pjesë e të cilëve në kujdesin intensiv.
Një 39-vjeçar grek i pavaksinuar përfundoi në gjendje të rëndë dhe tashmë po lufton me sëmundjen. Ai ka një apel nga spitali për të gjithë ata që nuk janë vaksinuar.
“Do të doja të kthehesha pas në kohë, do ta bëja vaksinën, prandaj jam këtu për ta bërtitur, për ta thënë që të mos gjendet njeri në vendin tim.
Kur isha në oksigjen kisha frikë të vazhdueshme se nuk do të kthehesha në jetën e përditshme për të parë familjen time.
Mendova se do të mundja koronavirusin, më në fund ai më kapi. Mendova se nuk do të sëmuresha. Dua t’u them atyre se vaksina nuk vret, ajo shpëton jetë”, tha ai.
Discussion about this post