Një burrë pësoi një urgjencë mjekësore në ajër në një fluturim të Ryanair dhe më vonë vdiq në bord.
Avioni, i cili po fluturonte nga Tirana, Shqipëria për në Aeroportin e Mançesterit, u desh të devijonte papritur në Stansted të Londrës gjatë incidentit të regjistruar më 10 nëntor.
Një dëshmitar i cituar nga “The Sun” përshkroi skenat ‘kaotike’ në bordin e avionit
Ekuipazhet e shërbimit të urgjencës duke përfshirë mjekë, skuadra zjarrfikëse të aeroportit dhe një ambulancë ajrore rrethuan avionin pasi u ul, raporton Manchester Evening News.
Burri u shpall i vdekur në vendngjarje.
Një pasagjer tha se njerëzit me trajnime për ndihmën e parë u hodhën për të ndihmuar në mes të skenave “kaotike” në bordin e avionit.
Dëshmitari tha se tre pasagjerë dhe dy anëtarë të ekuipazhit ajror po e ndihmonin burrin derisa ata të zbarkuan në Londër. Nga atje, mjekët morën përsipër dhe stafit iu tha të largohej nga avioni, thanë ata.
Sipas Evening Post, një pasagjer në bord tregoi për skenat e tmerrshme që u shpalosën gjatë fluturimit, pasi burri filloi të ‘kishte konvulsione’ përpara se të zhvendosej në korridor dhe t’i bwhej frymëmarrje artificiale.
“Ai pushoi së marrë frymë dhe gjithçka shkoi në kaos”, tha një pjesëtar i avionit. “Disa prej nesh me trajnime për ndihmën e parë u hodhën për të ndihmuar dhe filluan shtypjen në gjoks, ndërsa më pas iu vendos defibrilatori”.
“Dy anëtarë të ekuipazhit ajror dhe tre pasagjerë ia dolën të vazhdonin të bënin CPR siç udhëzohej nga defibrilatori për 25 minuta kur më në fund u ulëm në urgjencë në Londër. Mjekët e ndihmës mjekësore vazhduan edhe për 30 minuta të tjera kur të gjithë u udhëzuam të largoheshim nga avioni”.
“Pas rreth një ore tjetër, ambulanca ishte ende atje, por ne hipëm përsëri me një ekuipazh të ri ajror për të vazhduar udhëtimin për në Mançester, pa burrin dhe miqtë e tij. E pyeta dhe më thanë që, për fat të keq, burri nuk ia doli.
“Isha i shkatërruar kur mësova lajmin e hidhur.”
Pasagjerët hipën përsëri me një ekuipazh të ri për të përfunduar udhëtimin në Mançester, shtoi dëshmitari.
Një zëdhënës i Shërbimit të Urgjencës të Anglisë tha: “Një ambulancë, një automjet i ekipit të reagimit në zonën e rrezikshme, një makinë ndihmëse dhe ambulanca ajrore Essex dhe Herts u thirrën në Aeroportin Stansted të dielën në mbrëmje pas raportimeve se një burrë kishte urgjencë mjekësore në një avion.
“Mjerisht, pavarësisht përpjekjeve më të mira të të gjithë të përfshirëve, burri kishte vdekur në vendngjarje”, tha zëdhënësi pa deklaruar identitetin e personit.
Rruga e fluturimit tregon se si avioni u nis nga Shqipëria të dielën, përpara se të fluturonte mbi Itali, Zvicër dhe Francë përpara se të bënte uljen në Stanstead. Në vendngjarje është thirrur edhe një ambulancë ajrore.
Një zëdhënës i aeroportit Stansted shtoi: “Fluturimi të cilit i referoheni u devijua në Stansted të Londrës pak para orës 20:00 mbrëmë për shkak të një urgjence mjekësore në bord.
“Avioni u ul në mënyrë të sigurt dhe u prit nga mjekët, shërbimi zjarrfikës i aeroportit dhe ekuipazhet e ambulancës.”
Ryanair është kontaktuar nga mediat angleze për një koment, por akoma nuk është prononcuar.
gijotina.com/
Discussion about this post