Disa fëmijë të vegjël, zakonisht midis moshës 2 dhe 5 vjeç, flasin për kujtimet e një jete të mëparshme që ata pretendojnë se kanë jetuar. Në të njëjtën kohë ata shpesh shfaqin sjellje, të tilla si fobi ose preferenca, që janë të pazakonta brenda kontekstit të familjes së tyre të veçantë dhe që nuk mund të shpjegohen me ndonjë ngjarje aktuale të jetës. Në shumë raste, deklaratat e fëmijës korrespondojnë saktësisht me jetën dhe vdekjen e një individi të vdekur. Disa fëmijë kanë shenja lindjeje ose defekte të lindura në përputhje me plagët ose shenjat tek personi i vdekur, dhe per ta konfirmuar kete, jane përdorur raportet pas vdekjes. Fëmijët më të rritur mund t’i ruajnë deri diku këto kujtime, por ato përgjithësisht duket se zbehen rreth moshës shtatë vjeçare.
Subjektet e këtyre rasteve janë gjetur në të gjithë botën, duke përfshirë Evropën dhe Amerikën e Veriut. Për 20 vitet e fundit, Dr. Jim Tucker është fokusuar kryesisht në rastet e gjetura në Shtetet e Bashkuara. Disa raste ofrojnë dëshmi më bindëse se të tjerat për kujtimet e jetës së kaluar. Dy jane rastet me te cuditeshme:
James Leininger – kujtimet e të qenit pilot i Luftës së Dytë Botërore dhe të rrëzimit
Ryan Hammons – kujtimet e të qenit një agjent talentesh ne Hollivud
James Leininger, pak më shumë se dy javë pas ditëlindjes së tij të dytë — filloi të kishte makthte tmerruese qe thjesht nuk pushonin. Kur James filloi të bërtiste me fraza të përsëritura si: “Avioni ne flake! Njeriu i vogël nuk mund të dalë!”, Leiningerët më në fund pranuan se me të vërtetë duhej ta merrnin parasysh se dicka nuk shkonte. Pas hulumtimeve, dolen ne drite detaje mbi avione e tragjedi luftarake qe asnjë djalë dy vjeçar nuk kishte sesi t`i dinte vazhduan. Bruce dhe Andrea Leininger filluan të kuptonin se kjo ishte një situatë e pabesueshme. Soul Survivor është historia se si Leiningers përfundimisht zbuluan se djali i tyre po rijetonte jetën e kaluar të pilotit të Luftës së Dytë Botërore, James Huston. Ndërsa Bruce Leininger përpiqej të kuptonte se çfarë po ndodhte me djalin e tij, ai zbuloi gjithashtu detaje të jetës dhe vdekjes së James Huston-it, i cili vdiq ne avionin e tij te perfshire nga flaket.
Ryan Hammons është një djalë amerikan që mban rekordin për numrin e kujtimeve të një jete të mëparshme. Ai lindi lindi në Muskogee, Oklahoma në vitin 2004, gati dyzet vjet pas vdekjes së agjentit të talenteve në Hollivud, Marty Martyn. Prindërit e tij, Cyndi dhe Kevin, ishin të krishterë protestantë. Cyndi ishte nëpunëse qarku, ndërsa Kevin toger në departamentin e policisë. Ryan foli vonë për shkak të adenoideve të zmadhuara. Adenoidet janë një masë indi limfatik i vendosur midis pjesës së pasme të hundës dhe fytit; ato ndihmojnë në mbrojtjen e trupit nga viruset dhe bakteret, por nëse inflamohen mund të pengojnë frymëmarrjen dhe të folurin tek fëmijët e vegjël. Kur ai ishte katër vjeç, iu hoqën adenoidet. Fill pas kësaj, Ryan filloi të fliste me fjali të plota dhe shpejt nisi të tregojë kujtime që në fund u identifikuan me Marty Martyn. Komentet e tij të para kishin të bënin me tre djem të birësuar, të cilëve ai u kishte vënë emrin.
Ai tha se ishte nga Hollivudi dhe iu lut Cyndi që ta çonte atje në mënyrë që të mund të shihte ‘familjen tjetër’. Ryan tha se ai kishte një shtëpi të madhe me një pishinë që ndodhej në një rrugë emri i së cilës kishte ‘Rock’. Ai kishte një makinë të gjelbër që nuk do të lejonte askënd tjetër ta drejtonte. I pëlqente të shkonte në plazh me të dashurat e tij. Ryan ishte i magjepsur pas syzeve të diellit dhe tha se shpesh digjej në plazh nga dielli në jetën që kujtonte. Fëmija po kështu fliste për një ‘agjenci’ ku njerëzit ndërronin emrat dhe pretendonte se kishte shkuar në Europë me anije, kishte vizituar Parisin dhe kishte parë Kullën Eifel.
Discussion about this post