Pas vendimit të kryetarit të grupit parlamentar të Partisë Demokratike, Enkelejd Alibeaj për të anuluar mbledhjen pasi sipas tij PS hoqi dorë nga pakti me opozitën, vjen një reagim nga deputeti demokrat, Tritan Shehu.
Në reagimin e tij, ky i fundit theksoi se Alibeaj ka përfunduar lodër në duart e Ramës.
“Me sa turp përfundon kur bëhesh një “lodër” në duart e Ramës!
Ai mbasi te përdor të flas, edhe për të të poshtëruar, gjë qe ne fakt këto “lodra” e meritojnë plotësisht atë. Kështu përfundon! Para pak minutash mora një njoftim depersonalizua nga ata, që i hynë asaj loje të turpshme, për tu bërë “gjethe fiku” e Ramës.”
Nga ana tjetër, mes të tjerash Shehu pohon se Alibeaj u tregua i gatshëm jo vetëm për ta përçarë opozitën e Partisë Demokratike, por edhe për ta katandisë atë në rreth me 10 deputetë.
“Anullonin atë mbledhje te orës 16 te “grupit parlamentar” ku, siç kishin deklaruar do te votonin për të zgjedhur “Presidentin”, ne një grup jo me te madh se rreth 20 deputete.
Dhe kjo mbas asaj komedie qe u luajt “live” nga Kryesia e Kuvendit, ku Balla vetëm i vuri ne loje ata “skllevër” te pa përgjegjshëm përballë tij.
Dhe ku Alibeaj u tregua i gatshëm jo vetëm ta përçajë opozitën e PD, por ta katandiste atë në rreth 10 deputetet, aq sa i duheshin PS për të arritur “numrin e cilësuar”, pra ne realitet ai e nxori në “shitje” atë.”
Së fundmi, ai e mbylli reagimin e tij duke u shprehur se me këtë situatë i kujtohet Esat Pasha që po shiste Shqipërinë.
“Nuk e di pse po më kujton kjo Esat Pashën, kur po “shiste” Shqipërinë!
Për hir të së vërtetës i paralajmëruan edhe autoret e asaj komedie denigruese, por dhe disa aktorë që u përfshinë ne atë ndoshta pa u thelluar në atë çfarë po ndodhte.
Sidoqoftë shpresoj ajo çfarë ndodhi të jetë një “mësim” i mirë për të dy.”
Discussion about this post