Dështimi i radhës në Shëndetësi/ Shërbimi i fizioterapisë në qendrat shëndetësore inekzistent

Ministria e Shëndetësisë dështon me strategjinë për ofrimin e shërbimit psiko-social në qendrat shëndetësore.

Sipas këtij dokumenti, deri në vitin 2025, shërbimi i kujdesit parësor duhet të siguronte shërbimin e fizioterpisë dhe rehabilitimit për personat me nevoja të vecanta, por edhe në ato pak qendra ku mund të ketë fizioterapist, nuk ekzistojnë pajisjet.

Ky fakt është bërë publik nga vetë pacientët me sklerozën multiple gjatë një seancë dëgjimore në komisionin e shëndetësisë.

Tanush Caushipacient, drejtues i një prej shoqatave për sklerozën multiple, tregon se fizioterpitë, të nevojshme për rehabiltimin e tyre, mbulohen privatisht nga familjarët e tyre.

Edhe tri barnat e kërkuara prej kohësh mundën të hynin në listën e rimbursueshme pas 10 vitesh. Mungesa e shërbimit të fizioterapisë në kujdesin parësor është pranuar dhe nga drejtues të Ministrisë së Shëndetësisë, ndërsa opozita e ka cilësuar dështimin e radhës.

Skleroza multiple është një sëmundje neuroligjike autoimmune. Me shfaqjen e shenjave, kryesisht pas moshës 30 vjeç, çrregullimet avancojnë deri në invalidizimin e personit të prekur.

Zyrtarisht, në vendin tonë janë 923 pacintë, por sipas shoqatave janë mbi 1800 persona të prekur nga skleroza multiple.

(A2 Televizion)