Ministrja e Jashtme e Holandës, Sigrid Kaag, dha dorëheqjen, për shkak të menaxhimit të krizës së evakuimit nga Afganistani, muajin e kaluar.
Ajo është zyrtarja e parë perëndimore që tërhiqet, si pasojë e kaosit që ndodhi pasi militantët talebanë morën nën kontroll Afganistanin, më 15 gusht.
Deputetët holandezë miratuan një mocion censure ndaj saj, duke thënë se qeveria ishte shumë treguar e ngadalë në përgjigje, dhe se la pas shumë afganë që duhej të iknin. Kaag mori përsipër fajin, ndërsa pranoi vendimin e deputetëve.
Holanda arriti të evakuojë rreth 2,000 njerëz nga Afganistani në dy javët e fundit të gushtit. Por, qindra afganë që kanë punuar me trupat holandeze, u lanë atje.
Afganët që kanë punuar me forcat perëndimore janë kërcënuar me jetë nga talebanët, ndërsa pavarësisht evakuimeve, një numër i madh ka mbetur ende atje.
Kaag pranoi se qeveria holandeze ka vepruar në bazë të “supozimeve të gabuara”, por tha se ngritja e shpejtë e talebanëve në pushtet i ka habitur të gjithë, “përfshirë edhe vetë talebanët”.
Këtë javë, sekretari i Jashtëm i Mbretërisë së Bashkuar, Dominic Raab, i cili u kritikua shumë për vazhdimin e pushimit pasi Kabuli ra në duart e militantëve, u zëvendësua në një riorganizim të Qeverisë.
