Jeta është plot me mundësi të dyta, sidomos për futbollistët, të cilët pas një sezoni, me probleme kanë mundësinë të bëjnë kthesën në vitin pasardhës. Ky është rasti, i futbollistit që, në muajin dhjetor të 2022, u aktivizua me kombëtaren shqiptare.
Xhuliano Skuka u largua nga Metzi pas një sezoni zhgënjyes, pasi stafi teknik i klubit francez nuk i dha shumë besim.
Kështu, ai kaloi te Maribori për të provuar që të tregojë veten duke ditur edhe se liga sllovene është më e dobët se ajo franceze.
Trajneri i Mariborit e ka përfshirë menjëherë Skukën në listë për ndeshjet e Europës. Skuadrën e Skukës e pret një ndeshje e lehtë në letër duke qenë se në Konferencë do të përballet me maltezët e Birkirkara.
Ndeshja e parë do të luhet të enjten e 13 korrikut në Maribor dhe një javë më vonë do të luhet ndeshja e kthimit në Maltë.
Skuka do të jetë me skuadrën duke shpresuar që të rikthehet edhe një herë protagonist si në kohën kur luante për Partizanin.
Discussion about this post