Dalin pamjet nga tentativa për arratisje nga burgu “313” e Arbër Çekajt dhe Fatmir Pjetrit. Në orën 15:07 të dielën e 8 gushtit, të arratisurit marrin iniciativën dhe zbresin nga kati i tretë përmes një çarçafi 17 metra, të bërë gërshetë dhe në duar mbajnë çengela hekuri.
I pari zbret nga litari Pjetri, i dënuar si babagjyshi grabitës me 3 dekada burg, i cili fillimisht rri e pret të zbresë edhe shoku. Por në një moment e humb durimin dhe largohet, ndërsa pikërisht në atë moment zbret Çekaj, i dënuar me 14 vite burg për trafikun e 613 kg kokainë, i cili rrëzohet me të pasme, por ngrihet menjëherë dhe të dy kalojnë rrethimin.
Teksa Pjetri vazhdon planin e tij të arratisjes ai përballet me stafin e sigurisë së burgut dhe refuzon urdhrin për të ndaluar duke i goditur me ganxhën që ka në dorë, por më pas kapen nga policët e tjerë.
Çekaj dhe Pjetri kishin planifikuar gjithçka, ndërsa Lulzim Çepele i ndihmoi duke tentuar vetëvrasjen për të tërhequr vëmendjen e gardianëve.
Pas tentativës për të dalë nga qelia, Arbër Çekaj, Fatmir Pjetri dhe Lulzim Çepele u lanë në burg nga Gjykata e Tiranës. Çekaj tregoi në Gjykatë tha se plani për tu arratisur nga burgu 313 në Tiranë ishte ideuar nga Fatmir Pjetri, e më pas ky i fundit pranoi se e gjitha ishte plani i tij. Ndërkohë që nën hetim janë edhe disa gardianë që dyshohet se kanë bashkëpunuar me të burgosurit.
