Plani për testimin e policëve që përdorin lëndë narkotike, duke se ka “dështuar” pa filluar mirë. Një efektiv policie ka bërë një kallëzim për laboratorin privat që bën testimin e tyre. Sipas 53-vjeçarit me inicialet E.L., testimet që u janë bërë janë falsifikuar e për pasojë karriera e tij është dëmtuar. Për këtë arsye E.L., kërkon hetime pasi pretendon se nuk ka përdorur asnjëherë lëndë narkotike. Në kallëzimin e tij, efektivi kujton se eprorët e njoftuan për të kryer analizat pranë laboratorit privat dhe ndaj kishte shkuar menjëherë.
“Por më njoftuan se kisha shkelur rregulloren e 2013-ës Për përdorimin e lëndëve narkotike në një kohë që kurrë s’kam përdorur drogë”, shprehet polici E.L.
Efektivi ndër të tjera nënvizon se menjëherë në të njëjtën ditë kur kreu analizat te ky laborator kishte shkuar dhe tek një laborator tjetër në të cilin ka kryer analizat e drogës.
“Të gjitha analizat nga ky laborator dolën negative, kurse të laboratorit të parë dolën pozitive”, akuzon polici që pretendon se analizat e klinikës së denoncuar janë të falsifikuara. Ky rezultat më ka sjellë shqetësim për jetën time dhe më ka rrezikuar detyrën, ndaj i akuzoj për falsifikim”, thotë polici i cili nuk është i vetmi që ka kallëzuar.
Discussion about this post