Angazhimi i policisë rrugore vazhdon të jetë “zhgënjuese”, kjo referuar bilancit rritës të aksidenteve rrugore. Mes “shoferëve të pabindur”, vetëm 14 prej tyre janë arrestuar në të gjithë vendin gjatë 24 orëve të fundit, ndërsa dhjetëra të tjerë qëndrojnë të lirë.
40 patenta janë pezulluar në autostradën Levan-Vlorë duke nisur nga tejkalimi i normave të shpejtësisë, drejtimi i makinës në gjendje të dehur, ecja në krah të kundërt deri tek mosvënia e rripit dhe përdorimi i telefonit në timon.
Policia e Kukësit ka vendosur gjobë gjithashtu për një qytetar, i cili kishte ndaluar në tunelin e Kalimashit dhe pasi kishte bërë foto i kishte postuar në rrjete sociale. Kjo ka bërë të mundur që policia ta evidentojë menjëherë dhe t’i vendosë gjobën prej 8.000 lekë të rinj.
Por kjo nuk mjafton, pasi siç kemi raportuar çdo ditë konstatohen mbi 5 aksidente të rënda rrugore dhe me rrezik për jetën e këmbësorëve.
