Teksa Ministrja e Shëndetësisë bën propagandë për “investimet” që shteti ka bërë për përmirësimin e shërbimit publik shëndetësor, prapaskenat e këtyre “investimeve” duken se e kanë nxjerrë zbuluar.
Drita Mullai një grua e moshuar, ka ngritur shqetësimin se prej muajit shtator bashkëshorti i saj nuk merr rimbursim për ilaçin “Gliatilin” që përdoret për personat që kanë kaluar trombozë në tru.
Në një prononcim për mediet Mullai thotë se e ka të pamundur që me një pension prej 150 mijë lekësh të vjetra të blejë këtë ilaç që kushton, por që bashkëshorti i saj e ka të domosdoshëm.
“Shqetësimi im është që prej shtatorit nuk marrim rimbursimin e ilaçit “Gliatilin” që e përdor bashkëshorti Bardhyl Mullai i cili ka kaluar trombozë në tru. Nuk ka mungesë nga ky ilac, por prej shtatorit i kanë hequr rimbursimin duke ia lënë vetëm veteranëve të luftës. Nuk e di sa veteran kanë ngelur që përdorin këtë ilaç me rimbursim. Të gjitha ilaçet e burrit i marr pa rimbursim por kjo “Gliatilin” më kushton më shumë sepse 1 tabletë me 14 kapsula kushton 13 mijë lekë të vjetra, ai merr 3 në ditë, llogariteni sa shumë na kushton ne pensionistëve që marrim vetëm 150 mijë lekë pension’, ka thënë ajo.
Për shqetësimin e ngritur gruajabën një krahasim me shërbimin mjekësor që i është dashur të marrë në Itali, ku sipas saj analizat dhe cdo gjë në spital ka qenë falas. Sipas saj, ndërkohë në vendin tonë nuk rimbursohet vetëm një lloj ilaçi që ësht ëbazik për jetën e një të sëmuri dhe për këtë i bën thirrje ministrirsë së Shëndetësisë për të marë masa, pasi shëndeti i bashkëshortit të saj do të përkeqësohet.
“Në Itali kemi bërë kimio, analiza çdo gjë në spital pa paguar asnjë euro. Sa erdhëm këtu bëra operacion burrin nga prostata, ngeli sakat. Kam një kërkesë për ministren. Ju lutem, mendo që të na rimbursosh këtë ilaç për kaq pak të sëmurë që janë me këtë diagnozë që mos arrijmë deri në atë ditë dhe të sëmuremi mendërisht. Nuk i vuan as shteti as ministrat por i vuajnë familjarët,” thotë gruaja.
Mullai është në radhët e të moshuarve që e vuajnë këtë neglizhim nga ana e organeve kopetente, ndërsa nuk ka asnjë reagim nga ana e tyre.
