Siguria në punë ka dështuar sërish në vendin tonë. Burime për gijotina.com bëjnë me dije se paraditen e kësaj të hëne pak minuta më parë është raportuar se në një firmë për mbledhje skrapi, ka rrjedhur gaz nga një bombol ku për pasojë janë djegur dy punonjësit.
Policia njofton se firma ka qenë në pronësi të personit të identifikuar me iniciale Sh. Sh.
Theksojmë sërish se si pasojë e një zjarri të rënë pas rrjedhjes së gazit nga një bombol, kanë pësuar djegie 2 punonjësit e identifikuar me iniciale G. N. dhe A. Z., të cilët ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
