Një ngjarje e rëndë është shënuar paraditen e së martës në fshatin Skrofotinë të Vlorës, teksa një 36- vjeçar ka ndërruar jetë duke punuar. Bëhet fjalë për viktimën e identifikuar me emrin Maliq Bërdëllima, i cili nga burimet e gijotina.com mësohet se ka qenë duke shkarkuar disa tubo hekuri, në emër të një firme ndërtimi. Tubot e kanë goditur në kokë e për pasojë ka humbur jetën në vendngjarje.
Dëshmitarë të kësaj ngjarjeje të rëndë kanë qenë edhe kolegët e të riut të cilët gjithashtu ishin në krye të detyrës.
Theksojmë se 36- vjeçari kishte vetëm 10 ditë që punonte në këtë firmë, ndërsa është babai i dy fëmijëve.
Në më pak se një javë në vendin tonë, tre punëtorë ndërruan jetë për shkak të kushteve jo të mira të sigurisë në punë.
Një rast i ngjashëm është raportuar edhe disa ditë më parë në kryeqytet, ku një punëtor në Laç ka rënë nga pallati ku po punonte, dhe është dërguar për në spital.
Sipas policisë, ngjarja ka ndodhur paraditen e 17 shtatorit në një ndërtesë në Laç ku punëtori i identifikuar me emrin Durim Mahnutaj 43 vjeç, banues në Lushnjë ka rënë, ndërsa është dërguar në spital për ndihmë mjekësore.
