Rruga në drejtim të këtij fshati turistik të Thethit është bllokuar sërish nga Qafa e Thores për në brendësi të tij, për shkak të reshjeve të shumta të dëborës në orët e fundit. ARRSH tregon se po përballet me vështirësi të shumta dhe e ka të pamundur të çajë trashësinë e dëborës që ka veshur rrugën e re. Kjo tregon që, as investimi i kryer nga qeveria shqiptare nuk e shpëtoi këtë zonë turistike nga historia e bllokimit në stinën e dimrit, duke bërë që edhe për këtë sezon turizmi dimëror të shkojë drejt dështimit.
Turistët që më së shumti janë të huaj, të cilët marrin përsipër sfidën për të vizituar Thethin gjatë dimrit, duhet sërish të ecin në këmbë, pasi në të kundërt është i pamundur komunikimi. Tashmë do të mbetet për tu parë nëse firma e kontraktuar do ta fitojë “betejën” me dëborën dhe ta hapë rrugën, por momentalisht Thethi mbetet “mollë e ndaluar” dhe në këtë pikë bujtinat atje janë të detyruara të anulojnë rezervimet. Ndërsa zona ka probleme me energjinë elektrike që nga nata e kaluar.
Discussion about this post