Det i trazuar, probleme për lëvizjen e trageteve në Durrës

Det i trazuar dhe era e fortë, kanë shkaktuar probleme në lëvizjen e trageteve në Durrës

Dy tragetet e linjës Durrës-Bari nuk u nisën në orar natën e kaluar nga porti më i madh i vendit.

Njëri prej trageteve është nisur pas orës 02.00 të mëngjesit të sotëm dhe trageti tjetër rreth orës 06.40.

Ndërkohë nuk ka pasur probleme në mbërritjen e dy trageteve nga Bari në Durrës këtë mëngjes.

Situata detare dikton dhe pezullimin e përkohshëm të daljes në det të anijeve të peshkimit.