DETAJE/ 2-vjeçarja u dogj me cigare, familja e mbajti pa mjekim

Detaje të reja dalin nga ngjarja e rëndë në Tiranë ku një 2-vjeçare u dogj në qafë me cigare nga i vëllai i saj.

Mësohet se vajza e mitur është dërguar nga halla në spital pasi ishte e ftohur. Por mjekët kanë vënë re djegie në qafë, si edhe shenja në sqetull dhe në pjesë të ndryshme të trupit.

Menjëherë kanë njoftuar policinë dhe kanë nisur hetimet. Nga ekzaminimet e mjekësisë ligjore rezulton se djegia në qafë është shkaktuar me cigare nga i vëllai i saj 9-vjeçar, i cili po luante.

Shenjat e tjera sipas të dhënave paraprake të mjekësisë ligjore dyshohet se vijnë nga sëmundje të lëkurës.