Shpërthimi në Velipojë ku u plagosën rëndë 4 anëtarët e familjes Gjoka, të cilit ishin edhe pronarë të hotelit ku ndodhi ngjarja, mund të kishte një bilanc më të rëndë… Mësohet se bombolat ishin sjellë dje në hotel dhe do të shpërndaheshin nëpër dhoma, ku mund të gatuanin pushuesit që do të qëndronin.
Alketa Gjoka, Enriko Gjoka, Klarisa Gjoka dhe Danjela Gjoka, shkuan dje pasdite në hotel për të bërë pastrimin dhe përgatitjet e fundit para sezonit.
Ata kishin porositur edhe bombolat që kanë shkuar në hotel pas kolaudimit dhe kryefamiljarja, Alketa, ka menduar se përdorimi i tyre ka qenë i sigurtë. Por, nuk ka rezultuar kështu.
Teksa policia po verifikon se ku është bërë kolaudimi i bombolave të gazit, nëna me 3 fëmijët e saj po përballen me një djegie të rëndë të trupit dhe janë sjellë me urgjencë në Repartin e Djegieve në QSUT, ku po marrin trajtim mjekësor.
