Të tjera detaje janë zbardhur në lidhje me ngjarjen e rëndë në Marikaj të Vorës, ku një person u plagos në këmbë me armë zjarri. Raportohet se sherri ka nisur në një servis për pjesë këmbimi makinash. I plagosuri me armë zjarri është shtetasi Xhuliano Shkurti 25 vjeç.
Paraprakisht mësohet se disa persona kanë shkuar te servisi ku punonte 25-vjeçari Xhuliano Shkurti dhe e kanë qëlluar atë në këmbë me armë zjarri.
Në mbrojtje të të riut kanë ndërhyrë pronarët e servisit vëllezërit Mara, të cilët janë goditur më pas me mjete të forta.
25-vjeçari Shkurti ka mbetur i plagosur dhe ndodhet jashtë rrezikut për jetën, ndërsa ende nuk dihen shkaqet e konfliktit.
Njoftimi i Policisë:
Forcat blu shprehen se sot në një servis në Marikaj ka ndodhur një konflikt mes disa shtetasve. Gjatë konfliktit është dëmtuar në këmbë, dyshohet me armë zjarri, shtetasi Xhuliano Shkurti, 28 vjeç, dhe me sende të forta shtetasit A. M., 35 vjeç, dhe F. M., 37 vjeç.
Të tre këta shtetas ndodhen në spital, në kujdesin e mjekëve. Po punohet për shoqërimin e shtetasve të përfshirë në konflikt, ndërsa punohet në drejtim të sqarimit të rrethanave të ngjarjes.
gijotina.com/
Discussion about this post