Detaje të reja janë zbardhur nga aksidenti pasditen e sotme në aksin rrugor Berat-Skrapar në fshatin Hoxhaj ku dy makina janë përplasur kokë më kokë.
Mjeti tip “Golf 5” me drejtues Xhulio Katillarin që ishte duke lëvizur në drejtim të Beratit ka humbur kontrollin në kthesë duke u përplasur me një “Seat” që po shkonte drejt Skraparit me drejtues një italian, Guido Sivori.
Nga aksidenti kanë ngelur të plagosur lehtë të tre të afërmit e Xhulio Katillarit të cilët janë dërguar në spitalin rajonal të Beratit për të marrë ndihmën e parë mjekësore.
Guido Sivori u shpreh se ishte duke lëvizur në drejtimin e tij, kur “Golf 5” i erdhi përballë duke e përplasur, pavarësisht tentativës, që ai tha se bëri për ta shmangur.
