Kanë dalë detaje të tjera në lidhje me aksidentin e regjistruar mesditën e sotme në afërsi të kryqëzimit të fshatit Drithas, Maliq ku humbi jetën Kujtim Azizi, banues në Rëmbec. Sipas informacioneve, viktima vuante nga probleme të shëndetit mendor. Ai ishte larguar nga banesa dhe familjarët kishin nisur kërkimet në zonë.
Viktima është pikasur nga shoferi i mjetit Lorenc Tome, banues gjithashtu në fshatin Rëmbec, ka ulur shpejtësinë duke i thënë “shko në shtëpi se po të kërkojnë”. Në atë moment Azizi është hedhur para makinës. Ky version është provuar nga dëshmitarët okularë dhe deklarimet e familjarëve që e kërkonin.
Si pasojë e përplasjes ai mbeti i plagosur rëndë. Edhe pse u transportua për mjekim në Spitalin e Korçës, Azizi ndërroi jetë në spital nga plagët. Grupi hetimor po punon për sqarimin e rrethanave dhe përcaktimin e shkakut të aksidentit.
Discussion about this post