Detaje të tjera janë zbardhur nga aksidenti që ndodhi këtë paradite në Radhimë. Fillimisht u raportuar se si pasojë e përplasjes së frikshme mbetën të plagosur dy të rinj, të cilët ndodhen në spital në gjendje të rëndë shëndetësore.
Burimet bëjnë me dije se të lënduarit janë Ari Canaj nga fshati Peshkëpi i cili ka marrë dëmtime të rënda në trup kurse Savio Dhimojani (21 vjeç) raportohet se ndodhet në gjendje kome.
Ngjarja ndodhi në vendin e quajtur “Aksionistja” ku si pasojë e përplasjes së fortë dy djemtë fillimisht mbetën të bllokuar në automjet. Menjëherë mbërriti zjarrfikësja e cila ndihmoi për të nxjerrë të lënduarit të cilët u transportuan me urgjencë në spital.
Sipas policisë, automjeti tip “Ford”, me drejtues shtetasin A. C., ka humbur kontrollin dhe është përplasur me një shtyllë betoni , ku si pasojë është dëmtuar drejtuesi i mjetit dhe pasagjeri, të cilët ndodhen në gjendje të rëndë për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post