Detaje të reja janë zbardhur nga operacioni i zhvilluar dje dhe sot në Vlorë ku u arrestuan 3 persona që akuzohen për kultivim kanabisi. Mësohet se Ferdinant Llanaj i cili u arrestua ditën e djeshme nga RENEA në Vlorë, pasi kishte kultivuar lëndë narkotike në banesë, është emër i njohur për policinë.
Sipas burimeve, para katër vitesh, më 1 tetor të 2017, i është bërë atentat ndërsa po lëvizte me makinën në rrugën “Transballkanike”
39-vjeçari së bashku me të birin 8 vjeçar dhe Dritan Begën 52 vjeç u qëlluan me breshëri kallashnikovi në rrugën Transballkanike pranë një karburanti, nga dy persona ende të paidentifikuar. Dritan Bega dhe Ferdinand Llanaj ndodheshin në makinën Benz me targa VL 6368 C.
