Kanë dalë detaje të tjera në lidhje me atentatin e djeshëm që tronditi Vlorën me dy të vrarë, 34-vjeçari Hakim Xhezo dhe 37-vjeçari Shpati Lena. Mësohet se vrasja dyshohet se ishte planifikuar rreth dy muaj më parë. Mjeti “BMW” që u shkrumbua dje pak minuta pas atentatit në Frakull të Fierit, rezulton i vjedhur më 30 qershor të këtij viti në Shijak të Durrësit.
Në vendin e ngjarjes, policia gjeti rreth 20 gëzhoja kallashnikovi. Tre armët automatike të cilat u gjendën brenda mjetit të shkrumbuar në Fier me të cilat u vranë dy personat tashmë janë dërguar në laborator.
Ngjarja e rëndë ndodhi mëngjesin e djeshëm rreth orës 09:50 në dalje të fshati Panaja. Nga një makinë “BMW” pa targa, u qëllua nga së paku 3 persona drejt mjetit ‘Benz’ në të cilin po udhëtonin 34-vjeçari Hakim Xhezo dhe 37-vjeçari Shpati Lena, i cili mbante dhe identitetin Geno Lena.
Pas ngjarjes autorët ende të pa identifikuar u larguan në aksin Levan Tepelenë dhe në afërsi të fshatit Çerven dogjën mjetin “BMW” në brendësi të të cilit braktisën 3 kallashnikovë.
Hakmarrja dyshohet se fshihet pas kësaj ngjarje të rëndë pasi viktimat rezultojnë të implikuara në vrasjen e biznesmenit Arben Beqiraj gushtin e vitit 2019.
Discussion about this post