Zbulohen detaje të reja nga dosja e abuzimit të fondeve të BE, ku ra në pranga edhe ish-ministri Ilir Beqaj.
Genc Shurdho i cili përmendet disa herë gjatë dosjes refuzon ofertën për të firmosur një faturë fiktive, një faturë që më pas firmoset nga bashkë të pandehurit e tjerë, pse e quaj histori e ngarkuar me dyshime të forta, prokuroria ka këqyrur edhe llogarinë e Facebook për mbivendosjen e dy projekteve për konferencat e energjetikës dhe mjedisit që kushtonin mijëra euro nga fondet, në një moment tregon arrihet deri aty sa kur i përmend me zëra vetëm për përkthimin ishte 10 mijë euro.
Vazhdonin me elementë teknikë. Kur po bëhej tenderimi nga Ministria e Turizmit hyn SPAK, Beqaj e dinte, palët e dinin që po bënin aktivitet për të njëjtën gjë. A e dinte apo jo Beqaj që ishte në pozitë të vështirë. Janë pyetur dhjetëra persona që kontaktoheshin nga Kurtulaj. Në konferencë jepnin një dhuratë promovuese, paguheshin nga fondet e BE. Makina që përdor Kurtulaj është e Beqajt, Kurtulaj ka thënë që e njoha kur ishte kandidat për deputet. Duhet të vërtetohet se ku kanë shkuar paratë.
Ilir Beqaj, ish-ministër i Shëndetësisë dhe ish-drejtor i Përgjithshëm i SASPAK u arrestua më 4 korrik për abuzim me fondet e Bashkimit Europian.
I prangosur për korrupsion dhe mos deklarim të të ardhurave duke fshehur pronësinë e restorant Gzonës, dhe të një automjeti, ish-funksionari Beqaj dyshohet se bashkëpunoi me koordinatorin e projektit Eusair Ermal Kurtulaj, (edhe ky nën arrest me burg), për prokurimet fiktive dhe në kundërshtim me kontratat e ndihmës së BE.
SPAK njofton se Ilir Beqaj ka investuar gati 21.411 euro dhe 4 milionë lekë, përmes blerjes së aseteve, dhe 34.783 euro i ka raportuar në formën e shpenzimeve, duke mos i deklaruar ato si hua ndaj shoqërisë. Interesat e tij në restorantin “Gzona”, prokurorja Elida Kackini thotë se ish-kreu i SASPAK i ushtroi nëpërmjet Kurtulaj.
Por gjykata, gjatë masës së sigurisë, thotë se ndaj tij nuk duhet të vendoset masa për korrupsion, por që të dhënat janë për mashtrim. Megjithë këtë replikë në përfundim gjykata e vendos masën për korrupsion ndaj ish-ministrit.
Prokurorja ka zbuluar në një hetim disa mujor se janë kryer tetë shërbime mes tyre evente, dhe konferenca mbajtur gjatë 2023 duke mos ndjekur një prokuroim të rregull, ndërsa fituesi ishte paracaktuar.
Si shkelje prokurorja rendit dy konferenca për të ardhmen e turizmit dhe mjedisit mne vlerë 125 mijë euro, një vleftë e njëjtë me atë të prokuroruar nga ministria e Turizmit, për një event të titulluar festa. Në të dyja rastet ishte kontraktuar shoqëria që administrohet nga Gazmend Haxhia nën arrest me burg dhe drejtor Alfred Nikolli, nën arrest shtëpiak. Por i vetmi shërbim që është ofruar deklaron SPAK është organizimi i darkës në restorant “Gzona” me një vlerë prej 4 milionë lekë.
Tre arrest me burg, dy arrest shtëpie, tre detyrim paraqitje.
Edhe Elton Marini nën arrest shtëpie si ortak i një shoqërie private dyshohet se u përshi në këtë skemë mbasi shfaqet kur komunikon me Kurtulaj, i cili i kërkon ta shkruajë vlerën e faturës 16.600 euro. Të tjerët si përfaqësues të subjekteve private Bledar Leka dhe Bjona Ziaj dyshohen se lëshuan fatura fiktive.
Në dosje Ermal Kurtulaj akuzohet nga SPAK se duke qenë koordinator i projektit Eusair Facility Point është përfshirë në veprimtari korruptive përmes kerkimit dhe pranimit te lëshimit te faturave fiktive nga subjekteve të ndryshme tregtare, duke paguar sherbime qe nuk kryhen prej tyre, duke vendosur vlera fiktive nẽ faturime pêr qeilime tê perfitimit material.
Njëri nga episode që përmendet në dosje ka ndodhur më 2 gusht 2023.
Kurtulaj i telefon një personi të identifikuar si Genci Shurdho dhe i kërkon t’i faturojë atij një pagese prej rreth 35,200 Euro per nje sherbim që dyshohet se nuk ështe kryer.
Ne ketë bisede Ermal Kurtulaj i kerkon qē Genci të pyesë ekonomistin e vet dhe t’i ktheje pergjigje shpejt sepse , sic shprehet “Po me duhet me mu kthy i pergiigje tashi shpejt qe ta di se duhet, ikën Iliri dhe duhet te firmos ca letra pranej po te them. Nga kjo pjesë bisede krijohet dyshim se fatura do tê jetë thjesht fiktive për tê justifikuar shpenzimin e shumës nẽ fature (35,200 Euro)” thuhet në dosje.
Më 18 gusht 2023 kundrejt Eusair Facility Point ështe lëshuar fatura nga Nine Services INT shpk më pershkrimin “Konsulence bazuar nẽ kontrate”, ne shumen 35.200 Euro pa tvsh e cila lidhet me biseden që shtetasi Ermal Kurtulaj ka zhvilluar me shtetasin Genci Shurdho nẽ date 02.08.2023.
Nga verifikimet SPAK thotë se vetëm gjatë muajit gusht të këtij viti janë lëshuar gjithsej 8 fatura.
gijotina.com/
Discussion about this post