Detaje nga gjendja e të plagosurve, njëri rrezikon të humbasë krahun

Detaje të reja dalin nga vrasja e Martin Bardhit dhe plagosja e tre të tjerëve në Rrëshen.

Tre personat që u plagosën, Ilir Bardhoku, Olti Gjini dhe Indrit Bardhi janë transportuar drejt Spitalit të Traumës në Tiranë.

Ata ndodhen në sallën e operacionit. Një prej tyre mësohet se rrezikon të humbasë krahun (amputim).

I plagosuri tjetër ka marrë dëmtime në mushkëri e mëlçi, ndërsa tjetri në mushkëri.

Ilir Bardhoku, Olti Gjini, Indrit Bardhi ndodheshin të 3 të ulur në një tavolinë me Martin (Marku) Bardhin, kur në drejtim të tyre u qëllua me breshëri automatiku. Nga të shtënat mbeti i vrarë 59-vjeçari Martin (Marku) Bardhin, i cili sipas të gjitha të dhënave ishte dhe objektiv i këtij atentati.

Ngjarja e rëndë ndodhi rreth orës 10:40 në lokalin e viktimës që ndodhet në qendër të Rrëshenit.

Sa i përket autorëve, ata dyshohet se ishin 2 persona të maskuar, të cilët lëviznin me një fuoristradë që u gjet e djegur në fshatin Gëziq të Mirditës.