Detaje të reja janë zbardhur nga plagosja me thikë e 3 policëve në Prizren. Sipas njoftimit zyrtar, tre efektivët janë njoftuar nga një person në Prizren që ka denoncuar se i afërmi i tij kishte marrë një thikë në dorë dhe ishte mbyllur në dhomë.
Pasi policët kanë mbërritur në vendngjarje, 37 vjeçari i ka sulmuar me thikë sapo kanë hyrë në dhomë duke i plagosur të tre efektivët. Këta të fundit janë jashtë rrezikut për jetën.
Ndër të tjerat bëhet me dije se autori ishte nën efektin e lëndëve narkotike gjatë gjithë kohës.
Njoftimi i plotë:
Me datë 17 shtator 2022, rreth orës 16:30 policia ka marrë informacion se një person nga Lagjja Dardania në Prizren ka sjellje agresive dhe është mbyllur ne dhomë me një thikë ne dorë, familjaret janë frikësuar se mos lëndon veten apo dikë tjetër dhe kanë thirrur policinë.
Patrulla policore e Stacionit Policor Prizren-Veri ka shkuar në vendin e ngjarjes, janë munduar të komunikojnë me të dyshuarin, por ai edhe më tej ka qenë agresiv dhe nuk i ka përfillur urdhrat e policisë e as të familjarëve.
Pasi dyshohet se personi ishte nën ndikimin e lëndëve narkotike, është kërkuar që në vendin e ngjarjes të jetë një patrullë e Njësisë së Reagimit të Shpejtë dhe autoambulanca .
I dyshuari ka sulmuar me thikë zyrtarët policor e Njësisë së Reagimit të Shpejtë, gjatë tentimit për ta vënë nën kontroll.
Në këtë rast tre zyrtarë policor kanë marrë lëndime trupore me thikë, por ndodhen jashtë rrezikut për jetën, të lënduar mbetën kryesisht në duar dhe krah .
Njëri nga policët u dërgua në QKUK për trajtim të mëtejshëm, njëri u la në Spitalin Rajonal në Prizren , dhe njëri u çua për trajtim në shtëpi.
I dyshuari , mashkull, 37 vjeçar është arrestuar, e thika është sekuestruar.
Të gjitha njësinë përgjegjëse kanë dalë në vendngjarje, përshirë edhe Njësinë Kundër Trafikimit me Narkotikë.
Me urdhër të Prokurori Kujdestar i dyshuari ndaloi për 48 orë. Rasti mbetet nën hetime në Njësinë rajonale të Hetimeve në Prizren.
Discussion about this post