Aleks Laska, u plagos mbrëmjen e kaluar me armë zjarri në këmbë nga një person. Raportohet, se 22-vjeçari ishte së bashku me disa të rinj brenda ambienteve të një bilardo, në zonën e Lezhës.
Ai u qëllua me armë në këmbë e më pas u dërgua në spital për të marrë ndihmën e duhur mjekësore. Sipas dëshmitarëve janë dëgjuar tre të shtëna me armë zjarri. Pasi mbërriti policia në vendin e ngjarjes, nuk u gjet asnjë nga personat e përfshirë në konflikt pasi ishin larguar, mirëpo njëri prej tyre është kapur nga kamerat e sigurisë.
Përballë grupit hetimor, i riu ka treguar se nuk i njeh autorët, duke dyshuar mbi vërtetësinë e fjalëve të tij, pasi ai kishte kohë që qëndronte në atë ambient.
Pas këqyrjes së pamjeve filmike dhe veprimeve të tjera hetimore, policia ka shpallur në kërkim 3 autorët. Ata janë Xhuljano Frroku, Leadro Frroku, Agustin Shahini.
Discussion about this post