Detaje nga plagosja në Lezhë, u qëllua sapo la fëmijët në shkollë

Policia ka dhënë detaje nga plagosja me armë zjarri e 54-vjeçarit, Agron Puka mëngjesin e sotëm në Lezhë.

Raportohet se 54-vjeçari po lëvizte me automjet në fshatin Rrilë kur është qëlluar nga një person i paidentifikuar rreth orës 08:00.

Agron Puka u qëllua sapo ka lënë fëmijët në shkollë në fshatin Rrilë.

Ngjarja ka ndodhur pranë dyerve të shkollës së Rriles në sy të nxënësve, që janë traumatizuar.

Në foto shihet automjeti i 54-vjeçarit, tip “Audi”, i parkuar anash rrugës, ndërsa xhamat e mjetit janë shpuar nga plumbat.

Puka raportohet se është në kujdesin e mjekëve dhe aktualisht jashtë rrezikut për jetën.

Efektivët kanë rrethuar zonen dhe kane ngritur pika kontrolli, ndërsa në ndihmë të Policisë vendore, janë nisur Forcat Kombëtare të Sigurisë të Njësisë Shkodër.

Njoftimi i policisë:

Rreth orës 08:00, në fshatin Rrilë, shtetasi A. P., 54 vjeç, banues në fshatin Rrilë, duke lëvizur me automjet, është plagosur me armë zjarri nga 1 person ende i paidentifikuar. 54-vjeçari është transportuar në spitalin rajonal të Lezhës, ku është në kujdesin e mjekëve (aktualisht jashtë rrezikut për jetën).

Shërbimet e Policisë, me marrjen e njoftimin, kanë shkuar menjëherë ne vendngjarje, është rrethuar zona dhe janë ngritur pika kontrolli.

Njëkohësisht, në ndihmë të Policisë vendore, janë nisur Forcat Kombëtare të Sigurisë të Njësisë Shkodër.

Grupi hetimor, në drejtimin e Prokurorisë, vijon punën për sqarimin e rrethanave të ngjarjes dhe për identifikimin dhe kapjen e autorit.