Detaje të reja janë zbardhur nga ngjarja e ndodhur në Durrës, ku një shtetase nga Venezuela u hodh mbi tendën e një lokali nga kati i dytë, i një apartamenti.
Vajza, e identifikuar si Darjana Linares ka shkëmbyer grushta me djalin nga Shijaku, i identifikuar si I.Z.
Nga raportimet mësohet se ka pasur një mosmarrëveshje mes vajzës dhe djalit, ndërsa dyshohet se venezueliania ushtronte prostitucion. Nga raportimet mësohet se vajza pas sherrit ka menduar të largohet nga apartamenti duke u hedhur mbi një tendë, por nuk ia ka dalë dhe është dashur ndërhyrja e zjarrfikësve për ta ndihmuar dhe më pas një autoambulancë ka shoqëruar si vajzën ashtu edhe djalin në spital për ndihmë mjekësore, referuar protokollit mjekësor.
“Rreth orës 14:40, në rrugë, në lagjen nr. 2, dyshohet se për motive të dobëta, janë konfliktuar fizikisht shtetasi I. Z., 39 vjeç, banues në Shijak dhe shtetasja nga Venezuela, D. L., 22 vjeçe. Si pasojë janë dëmtuar lehtë të dy të përfshirët në konflikt, të cilët po marrin asistencë mjekësore në spital“, njoftoi më herët Policia e Durrësit.
Policia ka marrë në pyetje si 39-vjeçarin ashtu edhe 22-vjeçaren, por asnjë prej tyre nuk ka dhënë detaje mbi atë se çfarë ka ndodhur, edhe pse ka dyshime se vajza ushtronte profesionin e prostitutës, bashkë me vajza të tjera të huaja.
Discussion about this post