Ditën e sotme është sulmuar me armë zjarri Policia e Kosovës, saktësisht, njësia policore e Stacionit Policor për Mbikëqyrjen e Kufirit, ndërsa ka qenë duke vendosur një varkë patrulluese në Liqenin e Ujmanit. Policia njofton se kanë qenë afërsisht 10 të shtëna të njëpasnjëshme nga pjesa tjetër e liqenit dhe kanë goditur afër barkës së Policisë. Për fat të mirë nuk raportohet për të lënduar.
“Sot, më 06.08.2022 rreth orës 11:25, njësia policore e Stacionit Policor për Mbikëqyrjen e Kufirit (SPMK) Zubin Potok, derisa ka qenë duke vendosur një barkë patrulluese në Liqenin e Ujmanit është sulmuar me armë zjarri. Njësia policore ka njoftuar se në drejtim të tyre ka pasur të shtëna me armë. Kanë qenë afërsisht 10 të shtëna me armë zjarri. Të shtënat kanë qenë të njëpasnjëshme, nga pjesa tjetër e liqenit dhe kanë goditur afër barkës së policisë. Nga këto të shtëna nuk ka persona të lënduar” – thuhet në njoftim.
Discussion about this post