Tetë urdhër-arreste janë lëshuar më në fund nga Prokuroria greke për masakrën në kafenenë Arabe në Nea Joni, ku humbi jetën një 39-vjeçar shqiptar hidraulik, Pëllumb Isufi.
Për arsyet që çuan në shkëmbimin e zjarrit mes 2 grupeve kriminale, e vetmja dëshmi është ajo e pronarit sirian të kafenesë, i cili deklaroi se ka telefonuar të 7 për të gjetur se kush e ka sulmuar me thikë djalin e tij 16-vjeçar për ta grabitur, ngjarje pak ditë më parë në Kato Patisia.
Por oficerët e Sigurimit të Atikës gjatë gjithë hetimeve paraprake mblodhën informacione që japin një këndvështrim ndryshe. Pas shkëmbimit të të shtënave fshihet një hakmarrje e kreut të “grupit L”, i njohur me pseudonimin “Elis”, me vëllain e hidraulikut të vdekur, por edhe një tentativë e dështuar për ta vrarë dhjetorin e kaluar.
Në fazën e parë të hetimeve për këtë rast, deklaratat e pronarit sirian të kafenesë dhe po ashtu të një miku dhe bashkatdhetari të tij që ishin të pranishëm, nuk dhanë asnjë informacion për arsyen se përse papritur grupi prej 7 shqiptarësh që ishin të ulur në një ambient të veçantë privat të lokalit. Elis Salaj, kreu i një grupi kriminal në Athinë, ka dyshuar se autor i atentatit të dështuar ndaj tij është vëllai i shtetasit Pellumb Islami. Dy të fundit ndodheshin mbrëmjen e 21 shkurtit në lokalin në “Nea Ionia”.
Vëllai i viktimës ka debatuar me grupin rival dhe të gjitha palët kanë dalë jashtë ku ka pasur shkëmbim zjarri. Nga të shtënat me armë ka mbetur i vrarë 40-vjeçari Islami nga Rusani i Delvinës dhe hetimi ka zbuluar se personi që ka goditur me armë është Elis Salaj. Ky i fundit fillimisht tentoi t’i vriste vëllanë në dhjetor 2022, jashtë një klubi natë, por iu bllokua automatiku.
Nga të shtënat me armë mbeti i vrarë 40-vjeçari nga Rusani i Delvinës, i cili sipas hetuesve ëshët qëlluar për vdekje nga Elis Salaj. Pas zbardhjes së dinamikës së ngjarjes, Prokuroria greke ka firmosur 8 urdhër arreste për vrasjen e Pëllumb Islami.
Discussion about this post