Vazhdojnë të dalin detaje të reja nga atentati i ndodhur në një lokal në “Don Bosko” pasditen e sotme, ku mbeti i vdekur 35-vjeçari Erion Çela dhe mbetën të plagosur 4 të tjerë, mes tyre edhe vëllai i viktimës.
Viktima dhe të afërmit ishin me origjinë nga Dibra, por jetonin në Maminas. Çela raportohet se kishte një dyqan ngjitur me lokalin ku ndodhi ngjarje, e ku shiste cigare. Kjo ishte dhe arsyeja se përse ai ulej gjithmonë në ngjitur me xhamin, për të monitoruar biznesin e tij.
Ndërkohë, deri më tani dihet se një automjet tip “Benz” ka ardhur nga zona e Spitalit të Traumës dhe është vendosur në afërsi të lokalit, më pas po nga mjeti është hapur zjarr me kallashnikov në drejtim të 5 personave.
Discussion about this post