Detaje të reja kanë dalë në lidhje me vrasjen e 45-vjeçarit në Peqin, që u gjet pak më parë në afërsi të lumit Shkumbin.
Dyshohet që vrasja të jetë kryer dje në mbrëmje. Viktima ka marrë dy plagë nga të shtënat me armë zjarri, një në shpinë dhe një brinjë.
I ndjeri nuk është identifikuar ende nga policia, por nuk raportohet të jetë banor i zonës.
Mësohet se viktima është gjetur në lagjen Çezmë, afër lumit Shkumbin. Në vendin e ngjarjes kanë shkuar shërbimet e policisë që kanë nisur hetimet mbi rastin.
Nuk dihet ende identiteti i 45-vjeçarit dhe rrethanat se si ka humbur jetën.
