Detaje nga vrasja në Vlorë, viktimës i gjendet një plumb në shpatull

Zbardhen detaje të reja nga vrasja e mistershme e raportuar mëngjesin e sotëm në lagjen “5 Maji” në Vlorë. Policia ka dhënë informacion zyrtar Altin Alikaj, 46-vjeçarit që u gjet në banesën e tij pa shenja jete ditën e sotme nga e ëma. Sipas bluve nga këqyrja e trupin të viktimës janë konstatuar dëmtime të ngjashme, si ato të shkaktuara me armë zjarri.

Viktima ishte shpallur i humbur më datë 11 shkurt nga kushëriri i tij në policinë e Vlorës. Sipas burimeve për gijotina.com dyshohet se viktima ishte përdorues i lëndëve narkotike dhe se emri i tij ishte i njohur nga policia si përdorues droge.

Trupi i viktimës ndodhet në morgun e Vlorës, për ekzaminime të mëtejshme. Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.