Detaje të reja kanë dalë për ngjarjen e ndodhur ditën e sotme ku tre persona të dënuar, që ndodhen në burgun e Peqinit, kanë dhunuar dy gardianë, ngjarje kjo e ndodhur pasditen e sotme. Mësohen detaje të reja lidhur me ngjarjen e ndodhur, ku të paraburgosurit Kastriot Likja, Arlind Daja dhe Kreshnik Ibraliu, duhet të përballen edhe me akuzat e reja penale, të ngritura pas konfliktit që patën me gardianët.
Fillimisht u tha se 3 të lartpërmendurit kishin kundërshtuar punonjësit e burgut për tu rikthyer në qeli, pas përfundimit të orarit të ajrosjes. Por nga raportimet e fundit mësohet se fillimisht ata kanë pasur një konflikt verbal mes tyre, ndërsa për të shuar sherrin kanë ndërhyrë dy gardianë. Por kjo duket se nuk i ka pëlqyer 3 të paraburgosurve që kanë dhunuar dy gardianët.
Menjëherë kanë ndërhyrë efektivë të tjerë të burgjeve duke vënë situatën në kontroll ndërsa për tre të burgosurit përveçse u vendosën në izolim, ndaj tyre u ngrit edhe akuza penale.
Më konkretisht ata akuzohen për rebelim të të dënuarve dhe kundërshtim i punonjësve që kryen detyrë shtetërore. Tre personat janë arrestuar dhe izoluar në burgun e Peqinit për dhunë në familje dhe vjedhje.
Discussion about this post