Dalin detaje të reja nga vrasja e shqiptarit në Këln të Gjermanisë. Mediat gjermane kanë publikuar detaje të reja nga vrasja e një të riu shqiptar në Këln të Gjermanisë. Sipas tyre, ai është një 25-vjeçar, por identiteti mbahet ende i fshehtë.
Policia vendase tha se ai ishte goditur me një mjet të mprehtë, ndoshta thikë dhe kishte humbur jetën menjëherë. Shqiptari u gjet i pajetë në orët e para të mëngjesit të së hënës pranë një klubi nate.
Gjithashtu dyshohet se viktima është përfshirë në një sherr pasi pranë tij u gjetën edhe shishe të thyera. Policia tha se është vënë në kërkim të një personi rreth 20 vjeç me bluzë të bardhë.
Mësohet se i riu kishte shkuar në Gjermani për të vizituar disa të afërm të tij. Ndërsa autoritetet gjermane janë duke marrë në pyetje dëshmitarët e ngjarjes për të bërë zbardhjen e plotë të rrethanave.
Discussion about this post