Detaje të reja dalin nga krimi i rëndë që tronditi ditën e djshme opinionin grek dhe atë shqiptar, ku ish bashkëshorti vrau ish gruan e tij me thikë në mesë të rrugës.
Sipas mediave greke përveçse Eduart Danaj nuk shfaq pendesë por ka kërcënuar dhe të bijën duke i thënë “Nëse bëhesh si nëna jote do të vras dhe ty dhe pastaj do vras veten”.
Mendohet se arsye pë vrasjen e të ndjerës është bërë xhelozia.
40-vjeçarja, Enkelejda Danaj u gjet e pajetë mëngjesin e djeshëm në kryqëzimin e rrugëve Parnithos dhe Aristotelous, një nga pikat më qendrore të Menidit në Greqi. Ajo ishte goditur me thikë në bark nga ish-bashkëshorti i saj, Eduart Danaj 50-vjeç me origjinë nga Vlora. Raportohet se 40-vjeçarja e kishte denoncuar tre herë ish-bashkëshortin për dhunë në familje, por ky i fundit është lënë i lirë nga policia vendase.
Sipas informacioneve të mediave greke, Enkelejda kishte përmendur në denoncimet e saj se 50-vjeçari, kishte nisur të konsumonte sasi të mëdha alkooli dhe të bëhej i dhunshëm, ku si pasojë e ka dhunuar dhe kërcënuar disa herë. Hera e fundit që 40-vjeçarja e kishte denoncuar sërish për dhunë në familje (kanosje, lëndim fizik dhe fyerje) ka qenë më 7 maj 2024. Më pas burri është arrestuar dhe dërguar në prokurori, ndërsa do të dilte para gjyqit më 17 maj.
Discussion about this post