3991 karta SIM, që dyshohet se origjinën e kishin nga Britania e Madhe janë kapur nga policia në aeroportin e Rinasit. Kartat sim janë të kompanisë britanike ‘Life needs a big network’. Këto karta sipas hetuesve dyshohet se përdoren për komunikimet e grupeve kriminale. Kartat janë blerë në Angli pak ditë më parë dhe janë sjellë në Shqipëri me postë urgjente në zonën e ish-bllokut në Tiranë.
Burime bëjnë me dije se pakoja është tërhequr nga një shtetas shqiptar. Kur është marrë në pyetje, ai e ka mohuar kategorikisht që i përkisnin atij. Policia shkencore ka konfirmuar se ka zbuluar se shtetasi me inicialet M.H komunikon edhe me shtetas të huaj në Francë, edhe shqiptarë, që i ka vënë në dijeni se i kanë ardhur kartat.
Kartat janë aktive me PIN dhe PUK, çka ka bërë që policia të vihet në lëvizje pasi duke u shitur në treg të zi, mund të përdoren për shpërthim të bombave celular, shantazheve, mesazheve në aplikacionet e koduara e thirrjeve nëpërmjet data use.
Discussion about this post