Aksidenti tragjik që i mori jetën 5 personave ditën e sotme risjell sërish në vëmendje kushtet skandaloze në të cilat ndodhen akset rrugore në vendin tonë.
Segmenti ku ndodhi ngjarja vetëm në disa vende ka mbrojtëse betoni dhe jo mbrojtëse metalike sikurse është edhe standardi për sigurinë rrugore. Bëhet fjalë për një aks rrugor shumë të rrezikshëm. Në lidhje me detajet e ngjarjes, policia mbërriti në vendin e aksidentit ku stabilizoi trafikun i cili për afro 2 orë ka qenë tejet i rënduar. Furgoni u la në vendin ku pësoi aksidentin, policia dhe grupi hetimor morrën çdo material nga automjeti.
Vinçi nuk mundi dot ta nxirrte furgonin për shkak te vendit te keq ku kishte rënë. Në ngjarjen e rëndë humbën jetën pesë persona duke përfshirë edhe shoferin.
