Të tjera detaje tronditëse kanë dalë në pah nga ngjarja e rëndë që u regjistrua dje në Greqi, ku një shqiptare qëlloi me armë ish-partnerin e saj grek në Athinë.
Klodiana Çela, e cila u arrestua për tentativën e vrasjes së mjekut Jorgos Neos, ka qenë e përfshirë në një kalvar te gjate gjyqesh, pasi partneri e ka akuzuar për sëmundje mendore dhe disa ditë e kanë mbyllur në një institucion psikiatri për t’i marrë vajzën.
Mediat greke shkruajnë se nga kontrollet mjekësore doli se ajo nuk vuante nga asnjë sëmundje, dhe se kjo ishte një tentativë për t’a larguar nga vajza.
Lidhur me ngjarjen ka dëshmuar edhe vajza e çiftit e cila ishte dëshmitare në momentin kur nëna e saj ka qëlluar me 4 plumba babain.
E vogla u dërgua në Drejtorinë për Mbrojtjen e të Miturve të Sigurimit të Atikës, ku në një hapësirë të projektuar posaçërisht, ajo shpalosi para psikologes së fëmijëve gjithçka kishte përjetuar vitet e fundit. Fëmija jo vetëm u ka dhënë një pamje të situatës së “luftës” që mbizotëronte mes prindërve të saj me rastet e ngritura nga 49-vjeçarja shqiptare , por u përshkruan minutë pas minute skenën e përgjakshme jashtë godinës së Halandrit.
Konkretisht, dyshohet se ajo ka thënë se nëna e saj ka nxjerrë pistoletën dhe ka qëlluar 4 herë të atin. Një imazh që do të mbetet thellë i gdhendur në mendjen dhe shpirtin e saj.
Discussion about this post