Detaje të reja nga krimi i rëndë! Pasi e vrau mbesën e hodhi në kallamishte, nëna e vajzës: Gocën e kisha me kancer

Detaje të reja dalin nga krimi i rëndë i ndodhur në Greqi, ku daja vrau me kaçavidë mbesën 11 vjeçe pasi tentoi ta përdhunonte.

Në dëshminë e saj nëna e të miturës tregon se vajza i kishte larë makinën, dhe pas kësaj i vëllai e kishte marr me vete.

Gjithashtu, ajo ka zbuluar se vajzën e kishte kancer në mëlçi.

 “Vajza ime e vogël kishte një problem me mëlçinë kur lindi. Ajo kishte kancer. Më mirë Zoti të ma kishte marrë nga sëmundja, sesa nga kjo gjë. Nuk e besoj që fëmija im ka vdekur, si do e varros? Nuk kam fjalë të them asnjë gjë. Kërkova ndihmë nga e gjithë bota për ta gjetur atë të gjallë”, ishte deklarata rrëqethëse e nënës.

Ndërsa në dëshminë e tij në polici, autori, babai i 6 fëmijëve, shprehet se mitura nuk kishte pranuar të kryente marrëdhënien me të dhe e ka kërcënuar se do t’i tregonte prindërve. Pas kësaj, ai e ka sulmuar për vdekje me kaçavidë, duke i shkaktuar plagë në gjoks dhe në shpinë.

 “I sugjerova që të takoheshim. Ajo reagoi dhe refuzoi. Ajo tha se do t’u tregonte prindërve të saj dhe unë e vrava me kaçavidën që kisha në makinë”, pretendoi ai.

Mediat greke raportojnë, se pasi e ka vrarë 37-vjeçari e ka tërhequr zvarrë trupin e saj dhe e ka hedhur në kallamishte.

Pas ngjarjes ai është kthyer në shtëpi, sikur të mos kishte ndodhur gjë dhe të nesërmen ka shkuar normalisht në punë.

Policia ra në gjurmët e autorit pas sigurimit të pamjeve filmike, në të cilat vajza shihej ditën kur u zhduk, duke u larguar nga shtëpia dhe duke vrapuar në një makinë që kishte ndaluar pranë shtëpisë së gjyshit të tij.

Efektivët identifikuan pronarin e makinës, të cilët e vunë në pranga dhe më pas kuptuan se ishte autori i masakrës së rëndë.

Mësohet se 37-vjeçari ka qenë edhe më parë i dënuar për përdhunim të miturish, ku ka vuajtur 9 vite burgim për këtë vepër penale.