Detajet të reja janë zbardhur për sa i përket ekzekutimit me plumb në zemër të oficerit të policisë kriminale në Lezhë, Saimir Hoxha.
Sipas burimeve mësohet se autori Aldi Rama ka qenë i shoqëruar edhe me 4 persona në makinë, ku dy prej tyre janë shoqëruar për në polici dhe po japin dëshimtë e tyre.
Ndërsa, një nga personat që ka qenë me Ramën, dyshohet të jetë Xhulio Vokrri. Xhulio Vokrri ishte shpallur në kërkim që nga 17 shtatori pasi akuzohet se ka plagosur 25-vjeçarin e identifikuar si Paulo Bushi (Ndoj), në fshatin Manati të Lezhës.
Por, në vend që të vihej në pranga Vokrri, Aldi Rama qëlloi për vdekje oficerin Saimir Hoxha.
Disa minuta pasi ka ndodhur krimi, kolegët e kanë gjetur Hoxhën në një kanal pranë zonës së quajtur Ishull Lezhë.
Ai u transportua në spital, por nuk mundi të shpëtonte.
Mësohet, se oficeri Saimir Hoxha kishte shkuar të arrestonte të riun e identifikuar si Xhulio Vokrri, në momentin që u qëllua për vdekje nga 21-vjeçari Aldi Rama.
