Detaje të reja kanë dalë nga rastit përdhunimit të 15-vjeçares në Mirditë. Bëhet e ditur se telefoni i të miturës dhe i pesë personave që janë autorë të përdhunimit të saj, janë dërguar për ekzaminim të specializuar.
Kjo pasi në telefonin e së miturës janë gjetur biseda dhe mesazhe vetëm të ditës kur është bërë denoncimi, pasi ajo i fshinte në vazhdimësi nga frika e prindërve. Gjithashtu, pritet përgjigja e analizave që do të vërtetojnë nëse personat e vënë nën akuzë kanë kryer marrëdhënie seksuale me 15-vjeçaren.
Këto konsiderohen si provat kryesore që do të vërtetojnë akuzat e ngritura ndaj 5 të dyshuarve, atë të “Marrëdhënieve seksuale ose homoseksuale me dhunë me të mitur të moshës 14- 18 vjeç”. Vajza aktualisht po mbahet në një qendër rehabilitimi në Tiranë dhe gjendja e saj psikologjike është disi më e stabilizuar.
Artan Kaçorri, 31 vjeç, Albert Molla, 27 vjeç, Ermal Tarazhi, 30 vjeç, Nikë Lleshi, 44 vjeç dhe i mituri me iniciale A. Gj., 17 vjeç, në bashkëpunim me njëri-tjetrin, me anë të shantazheve, kanë kryer marrëdhënie seksuale me dhunë me vajzën 15- vjeçare. Të gjithë autorët janë lënë në masën e sigurisë ‘arrest me burg’.
Kjo ngjarje tronditi mbarë opinionin publik, duke nxitur protesta në disa qytete të Shqipërisë.
