Detaje të reja kanë dalë në lidhje me vjedhjen e naftës bruto në stacionin e pompimit në Usojë të Ballshit.
Burime informacioni bëjnë me dije se policia ka shoqëruar e sekuestruar dy automjete autobot me një sasi të konsiderueshme naftë bruto si dhe ka shoqëruar e po merr në pyetje disa persona si shofera të automjeteve e punonjës të stacionit pompimit.
Po sipas këtyre burimeve mësohet se dy autobotet të shoqëruar nga forca policie janë peshuar në peshoret e Zharrzës e më pas janë shoqëruar për në ambientet e drejtorisë së policisë vendore në Fier.
Të njëjta burime pohuan se nafta bruto dërgohej tek privat me disa depo ku përpunohej dhe u shitej karburanteve privat për baxho qumështi, kaldaja ngrohje, sera, furra buke ose kompanive private përpunuese të naftës.
Discussion about this post