Janë zbardhur detaje të reja nga ngjarja e ndodhur mëngjesin e djeshëm në Astir. 5 veta janë lënduar nga shkëputja e ashensorit në katin e katërt të një pallati. Mes tyre gjendej edhe një grua shtatzëne, e cila fillimisht u dërgua në gjendje të rënë në spital, por tani situata është stabilizuar.
Sipas të dhënave të policisë, dy gratë që ishin në gjendje të më rënduar sot janë mirë dhe jashtë rrezikut për jetën. Ndërkohë, familjarët e personave që të lënduar kanë treguar më shumë për ngjarjen. Dylbere Qordja familjare e Marsela Qordjes (shtatzënë) dhe Merita Sulës flet për Fax News, dhe tregon të gjithë dinamikën e ngjarjes së rëndë.
Ajo thotë se kanë dëgjuar zhurmë dhe se ashensori ka rënë nga kati i katërt në të parin. Sipas saj gruaja shtatzënë është në regjim shtratin për shkakun të tronditjes që pësoi Sa i përket shkakut pse ndodhi kjo, Qorjda banuese në këtë pallat thotë se po presin ekspertizën e Prokurorisë, pro ata vetë e din që ashensori ka pasur vazhdimisht probleme dhe për më shumë se dy vite nuk i është bërë asnjë kontroll teknik. Sipas saj kishte raste që ashensori nuk punonte për 3 ditë, por asnjë nga përgjegjësit nuk është kontrolluar
“Merita është në spital, ka fraktura të forta në këmbë, ka thyerje. Po merr trajtim mjekësor. Në ashensor ishin 5 veta mes tyre dy të mitur dhe tre të rritur. Ashensori ka rënë nga kati i katërt në të parin. Fatmirësisht dy fëmijët nuk kanë pësuar lëndime. Marsela është në regjim shtrati me rekomandim të mjekut për shkak të traumës që ka pësuar. Sot presim ekspertizën nga prokuroria të vijë të shikojë ngjarjen. Ka pasur edhe herë të tjera probleme me ashensorin, madje unë personalisht e kam vënë në dijeni administratorin. Kishte ditë që ashensori dilte jashtë funksionit, qëndronte 2-3 ditë pa punuar”.
Por administratorin e pallatit i cili mohoi kategorikisht që ashensori të ketë rënë, po ka qenë bllokuar. “Kush ju tha juve që ashensori ka rënë, gënjeshtër, ai ka qenë bllokuar dhe e kemi hapur me forcë”, th ai.
Nga ana tjetër banorja këmbëngul mbi deklaratën e saj duke thënë se u dëgjua zhurma dhe u shkëput menjëherë ashensori.
“Po si është e mundur që deklarohet diçka e tillë, unë kam qenë në banesë kur i përcolla familjarët e mi. U dëgjua zhurma. Po si do të thyente këmbët tjetra me kur ashensori është bllokuar. Ai ka rënë. Po pres ekspertizën nga prokuroria, nuk mund të gënjehet kështu”, tha ajo.
Pavarësisht se administratori mohon akuzat, inspektimet vërtetuan se ashensorit nuk i kishin kontrolluar kavot dhe kjo ka qenë arsyeja kryesore që ai i shkëput. Prandaj ditën e djeshme është vënë në pranga tekniku i ashensorit dhe Prokuroria po vazhdon më tej më hetimet.
