Një ngjarje e rëndë ka tronditur Shkodrën mbrëmjen e kësaj të enjteje. Një person është vrarë me armë zjarri pranë kishës në Hot të ri. Mësohet se viktima është shtetasi Valter Fierza.
Sipas burimeve bëhet me dije se ai është gjetur i vrarë nga familjarët jashtë makinës së tij, të cilët më pas kanë njoftuar policinë.
Policia Shkodër/Informacion paraprak
Rreth orës 21.48, në fshatin Hot i Ri, në rrethana ende të paqarta është vrarë me armë zjarri shtetasi V.F, rreth 33 vjeç, banues në fshatin Hot i Ri, Shkodër.
Në vendngjarje kanë shkuar menjëherë shërbimet e Policisë dhe grupi hetimor.
Janë ngritur pika kontrolli dhe vijon krehja e zonës me qëllim kapjen e autorit/ve.
Grupi hetimor nën drejtimin e Prokurorisë vijon punën për sqarimin e rrethanave të ngjarjes.
Discussion about this post