Janë zbuluar të tjera detaje nga shpërthimi tragjik në spitalin e Tetovës që u mori jetën 14 qytetarëve. Mësohet se moshat e viktimave janë 35-72 vjeç ndërkohë që janë edhe 2 viktima të paidentifikuara. Sipas gazetares njëra mendohet të jetë një vajzë 29-vjeçe, familjare e një prej pacientëve.
Shqetësim kanë ngritur edhe banorët pasi janë shprehur se zjarrfikëset janë vonuar shumë në momentin e shpërthimit të zjarrit.
Prokuroria themelore në Tetovë po kryen ekspertizë në vendin e ngjarjes në spitalin modular për Covid-19. Në ekspertizë janë përfshirë tre prokurorë publikë nga Tetova dhe dy nga Shkupi. Ekipi prej pesë prokurorëve, së bashku me ekipe nga institucionet kompetente po i ndërmerr të gjitha veprimet në drejtim të konfirmimit të arsyeve për zjarrin e shkaktuar.
