Detaje të tmerrshme/ Si jetoi normalisht vrasësi në banesën ku kishte murosur Siborën

Autoritetet italiane kanë kërkuar informacion nga ato spanjolle, për hetimet ndaj Marco Romeo-s, 45-vjeçarit nga Nettuno (Romë), i akuzuar për vrasjen e partneres spanjolle Paula dhe italo-shqiptares Sibora Gagani. Të dyja vrasjet ndodhën në Torremolinos, Malaga të Spanjës.

Ndërkohë që familja e Siborës, gjurmët e së cilës ishin zhdukur në vitin 2014, pret konfirmimin e testit të ADN-së për të siguruar se është trupi i gjetur i fshehur pas tullave në banesën e Romeos, është i të bijës së tyre.

Sipas psikologëve që po merren me të arrestuarin, Romeo është një person me “mungesë kontrolli të impulsit”, që ka të lidhur me xhelozinë dhe “nevojën për të kërkuar falje”.

“Romeo është një abuzues tipik i substancave narkotike, me mungesë serioze të kontrollit të impulsit; po ashtu ka edhe tipare shumë të dukshme antisociale”.

Raporti i përgjigjet edhe një pyetjeje të madhe: si mund ai të jetonte i qetë në banesën e tij, kur e dinte se përtej murit, brenda një arke druri ishte trupi i pajetë i ish të dashurën e tij. Kjo sjellje zbulon amnezi disociative. Në aspektin psikologjik, kjo një mënyrë për të “mbrojtur veten mendërisht”.

Sipas ekspertit, kjo amnezi, e cila mund të ndodhë te pacientët që kanë përjetuar një ngjarje traumatike, bën që ajo ngjarje të bllokohet totalisht në trurin e tyre, dhe në këtë mënyrë ata vazhdojnë jetën e tyre absolutisht normale, sikur asgjë nuk ka ndodhur.

Psikologia, e specializuar në studimin e profileve të dhunshme dhe rastet e kronikës, thekson se me gjasë “vrasja e Paula-s”, e cila u godit për vdekje me thikë në moshën 28-vjeçare në muajin Maj, “nuk ka lidhje” me atë të Siborës.

“Ai rrëfim spontan në polici kur pa foton e zhdukjes së saj dhe buqeta me lule që u gjet në kufomën e saj kanë lidhje me pendesën. Lulet janë një xhest që simbolizon kërkesën për falje, edhe pas asaj që ka bërë,”- tha Checa.

E pyetur nëse do të kishte pasur më shumë viktima nëse Marco Romeo nuk do të ishte arrestuar, psikologia përgjigjet “me gjasë po” sepse siç shpjegon “ai nuk e kupton mungesën për të kontrolluar impulset dhe ku janë limitet”.