Detaje të reja janë zbardhur lidhur me krimin Brenda familjes që tronditi mbrëmjen e djeshme qytetin e Fierit, ku 23- vjeçarja Sabina Begaj u vra me armë zjarri nga ish-bashkëshorti i saj. Ngjarje për të cilën vëlli i të resë i drejtoi gishtin fajstor drejtësisë e cila nxori nga burgu para kohe kriminelin Elton Metaj I akluzuar për disa vepra të rënda penale.
Në vorbullën e hetimeve për krimin e rëndë është shtuar edhe fakti se e reja Sabina Begaj ka qenë në urdhër mbrojtje deri në muajin tetor, por kjo nuk e ka ndaluar ish-bashkëshortin e saj të shkojë tek dera e shtëpisë e ta qëllojë me armë zjarri gjakëftohtësisht. Në dokumentin e siguruar nga Gijotina. com thuhet se ka pasur urdhër mbrojtje nga 14.10.2020, deri në datën 14.10.2021. Ku sipas dokumentit thuhet se zgjidhjen e martesës dhe urdhrin e mbrojtjes e ka pasur si çështje gjyqtari Alfred Konomi.
Ndërsa theksohet se Gjykata me një vendim të gjyqtarit Piro Sota, kishte vendosur më 1 mars 2021 caktimin si masë mjekësore ndaj Elton Metaj Bengaj, atë të “mjekimit të detyruar në një institucion mjekësor”. Po kështu, në dokumentin e siguruara nga Gijotina. com kishte vendosur dhe pushimin e çështjes penale të 21.09.2020 për veprat penale “Dhunë në familje”, “Kundërshtim i punonjësit të policisë së rendit publik”, “Mbajtja pa leje dhe prodhimi i armëve, armëve shpërthyese dhe i municionit”.
Ndërsa më 26 korrik 2021, po Gjykatësi Piro Sota ka vendosur zëvendësimin e masës mjekësore ndaj Metaj, nga “mjekim i detyruar në një institucion mjekësor” në masën mjekësore “mjekim i detyruar ambulator” nën kujdesin e babait të tij Bashkim Meta. Një herë në muaj, sipas vendimit, 31-vjeçari duhet të paraqitej pranë mjekut neuro-psikiatër në Poliklinikën e Specialiteteve Fier. Po edhe këto masa dhe vendime gjykatash nuk mundën të parandalonin krimin e rëndë në Fier që i mori jetën një nëne të re, të një vajze 3-vjeçare.
