Detajet, 17-vjeçari plagosi 15-vjeçarin në Laç

Të shtëna me armë zjarri janë dëgjuar pak më parë në Laç.

Nga detajet e  para mësohet se ka mbetur i plagosur një gjimnazist por ende nuk dihet gjendja e tij.

Dyshohet se një 17-vjeçar ka plagosur një 15-vjeçar. Ende nuk dihen rrethanat e ngjarjes.

“Rreth orës 12:20, në lagjen nr.4 në Laç, jashtë rrethimit të gjimnazit, pas një konflikti të çastit për motive të dobëta, është plagosur me armë zjarri në këmbë shtetasi i mitur L. Rr. 15 vjeç, nxënës në gjimnaz, banues në Kurbin, i cili është transportuar në spital ku ndodhet jashtë rrezikut për jetën.

Menjëherë me marrjen e njoftimit, shërbimet e policisë kanë shkuar në vendin e ngjarjes dhe falë veprimeve të shpejta hetimore, kanë identifikuar autorin e dyshuar shtetasin A.Gj. 17 vjeç, gjithashtu nxënës i gjimnazit.

Shërbimet e Policisë po vijojnë kontrollet me qëllim lokalizimin e kapjen e autorit”, thuhet në njoftimin e policisë.